Балалардың денсаулығын сақтау және тамақтануды сапалы ұйымдастыруды қамтамасыз ету мақсатында бракераждық комиссияның жұмысы

2026 жылғы қаңтарда «Гүлсім» балабақшасында балалардың денсаулығын сақтау және тамақтануды сапалы ұйымдастыруды қамтамасыз ету мақсатында бракераждық комиссияның жұмысы жүргізілді.

Бракераждық комиссия құрамына балабақша меңгерушісі А.Ж.Нургалиева төрайым ретінде енгізілді.

Комиссия мүшелері:

Б.Б.Уйсенбаева– медбике,

Н.Б.Уразбекова– кәсіподақ төрайымы,

Д.П.Фаритова– ата-аналар комитетінің төрайыма,

Г.И.Масаурова – шаруашылық меңгерушісі.

Комиссия қызметі балаларға ұсынылатын тағамдардың сапасын арттыруға, санитарлық-гигиеналық талаптардың сақталуын бақылауға, ас мәзірінің дұрыс әрі теңгерімді құрылуын және асхана жұмысының тиімді ұйымдастырылуын қамтамасыз етуге бағытталды.

Комиссия жұмысы барысында асханадағы санитарлық жағдай, азық-түлікті қабылдау және сақтау тәртібі, тағамды дайындау мен тарату кезінде белгіленген нормалардың сақталуы қаралды. Балаларға ұсынылатын дайын тағамдардың сыртқы түрі, иісі, дәмі, температуралық режимі және тағам мөлшерінің жас ерекшеліктеріне сәйкестігі тексерілді.